A Hora do Código UDC 2015 é un evento gratuíto organizado o día 12/12/2015 pola Universidade da Coruña no marco do evento A Hora do Código que se celebra do 7 ao 13 de decembro en máis de 180 países para achegar a programación de computadoras dunha forma natural, simple, intuitiva e divertida.
Está organizada por Code.org, unha organización pública sen fins de lucro dedicada a promover as Ciencias da Computación en escolas e institutos, cunha especial atención en incrementar o número de mulleres e estudantes de colectivos minoritarios que aprenden a programar.
O obxectivo é tratar de aprender conceptos fundamentais de programación, dispoñendo para iso de bloques lóxicos que, apilándose nunha orde adecuada, poidan realizar unha acción concreta, como mover un personaxe nunha escena ou debuxar unha forma.
Para nenas/os entre 8 e 14 anos.
As nenas/os serán distribuídas por idades e niveis en grupos de 25-30. Estarán asistidos por un monitor que dirixirá e orientará as actividades.
Utilizarase o computador ou tablet para acceder á páxina https://code.org/. Nela hai distintos tutoriales autoexplicativos que ensinan as nocións básicas de programación, adaptadas a todos. Escenarios como Minecraft, Star Wars, Angry Birds ou Frozen serven para propoñer distintos desafíos que hai que superar para avanzar de nivel. Igual que nos videoxogos!
Ao termo todos recibirán un diploma acreditativo de realizar "A Hora do Código".
Planta Baixa
Planta Baixa
Salón de Actos
Campus de Elviña s/n
15071 A Coruña.
981 167 000 extensión 1251
...podes facer A Hora do Código desde casa conectándote a https://code.org/ e probando algun dos tutoriales dispoñibles: Minecraft, Star Wars, Frozen, Flappy, ...
O obxectivo é alcanzar a cifra de 200 millóns de participantes en todo o mundo
É unha actividade totalmente gratuíta, promovida por Code.org, unha organización pública sen ánimo de lucro. O noso propósito é achegar as Ciencias da Computación aos nenos, de maneira que comprendan que detrás de moitas das aplicacións que usamos todos os días—videoxogos, aplicacións móbiles, Internet...—está a disciplina da Programación.
Non é necesario que traias ningún material. Temos computadores dispoñibles, pero se queres podes traer o teu portátil ou tablet.
A Coruña.- O sábado 12 do 12 á hora 12 era a cita. A esa hora un centenar de nenos e nenas deron os seus primeiros pasos na arte da programación informática.
O evento "A Hora do Código UDC 2015" reuniu na Facultade de Informática a novos programadores en potencia. No marco do evento mundial celebrado na semana do 7 ao 13 de decembro de 2015, as futuras promesas enfrontáronse cos retos expostos por un equipo de voluntarios, profesores e alumnos da UDC, co obxectivo de aprender conceptos fundamentais da programación desde un punto de vista lúdico. Na iniciativa, apadrinada pola fundación Code.org, utilizáronse escenarios como Minecraft, Star Wars, Angry Birds o Frozen para propoñer distintos desafíos que os mozos debían superar. Ao termo da xornada, a organización entregou a todos os participantes un diploma acreditativo.